اُردو ہے جِس کا نام ہم ہی جانتے ہیں داغ
سارے جہاں میں دھوم ہماری زُباں کی ہے

12.30.2005

نیا ٹیمپلٹ

یہ لیجئے جناب آخرکار ہم نے نیا ٹیمپلٹ ڈیزائن کر ہی ڈالا۔ بتائیے کیسا لگا۔ اب اسے شوق سے Firefox میں کھولئے۔سوچا تو یہ تھا کہ ٹیمپلٹ پر ایک ماہ تک بالکل کام نہیں کروں گا۔ لیکن پروگرامنگ ایسا نشہ ہے کہ چھٹتی نہیں کافر منہ سے لگی ہوئی۔ تیسری دفعہ ایک ایک بخیئہ دوبارہ اُدھیڑا۔ سچ کہا ہے یک نہ شد دو شد۔ مسلسل ١٦ گھنٹے بیٹھا رہا اور آخرکار محنت رنگ لائی۔ اگرچہ بہت سے اضافے ضائع ہو گئے ہیں اور اُن پر کام پھر کی اور وقت کروں گا۔ تاہم Firefox کے چور کو بھی پکڑ لیا ہے۔ اور وہ یہ رہا ( !, ! )۔ دیکھنے میں یہ بالکل ایک سے ہیں مگر اِن میں سے ایک اردو کے صعوتی کلید تختے سے لگایا ہے اور دوسرا انگریزی کے۔ IE ان دونوں میں کوئی تمیز نہیں کرتا جب کہ Firefox ان سے الگ الگ سلوک کرتا ہے۔ ہوا یہ کہ پروگرامنگ کے دوران اردو کی عبارت ٹائپ کرتے ہوئے انجانے میں ایک آدھ جگہ اسے (!) اردو کے کلیدی تختے سے لگا دیا جبکہ باقی تمام انگریزی کے کلیدی تختے سے لگے تھے۔ لہذا اردو کے (!) نشانات کو Firefox نے پروگرامنگ کی زبان نہیں سمجھا جبکہ IE نے اسے پروگرامنگ کا کوڈ ہی خیال کیا۔ آپ سوچ رہے ہوں گے کہ مجھے کیسے معلوم ہوا؟ ہوا یہ کہ FireFox میں صفحہ دیکھنے سے مجھے بار بار Header کے پاس ! Exclamation کا نشان دکھائی دیتا تھا جبکہ IE میں نہیں۔ سو میں نے اپنا تبدیل شدہ ٹیمپلٹ الگ کاپی کیا اور پھر بلاگر کا اصل ٹیمپلٹ تنصیب کیا۔ اور آخر میں اپنی تبدیلیوں کو ایک ایک کر کے دوبارہ نقل(Copy-Paste) کرتا رہا۔ ہر تبدیلی کرنے کے بعد FireFox میں صفحہ کھول کر دیکھتا۔ پہلی دفعہ تو سارا معاملہ ایک بار پھر گڑبڑ ہو گیا۔ رات کے دو بج رہے تھے اور شانے شل ہو چکے تھے۔ مگر سونے سے پہلے سوچا ایک بار پھر کوشش آزمانی چاہیے۔ اللہ کا نام لے کر پھر شروع کیا اور آخرکار چور کوڈ کو پکڑ ہی لیا۔ یہ کوڈ اس صورت میں < - - - - !> لگایا تھا اور درمیان میں اپنی یاداشت کی واسطے عبارتیں تحریر کی تھیں۔ امید ہے یہاں تحریر کے درمیان ٹائپ کرنے سے گڑبڑ نہیں کرے گا۔ پوسٹ کر کے دیکھتا ہوں۔ ٹیمپلٹ پر آپ کی رائے کا انتظار رہے گا۔ ابھی بنیادی تبدیلیاں کی ہیں اسے مزید بہتر فرصت ملنے پر بناؤں گا۔

کچھ باتیں محسنوں اور دل جلوں کی:تعداد5

Blogger Attiq-ur-Rehmanنے کہا...بتاریخ و بوقت12/31/2005 7:11 AM

السلام علیکم
ٹیملیٹ اچھا ہے مبارک ہو! اوپرا اور ایکسپلورر میں بھی بہترین نظر آرہا ہے۔١٦ گھنٹے کی محنت خوب رنگ لائی۔

 
Blogger شعیب صفدرنے کہا...بتاریخ و بوقت12/31/2005 11:34 AM

چلے مبارک ہو

 
Blogger Viksنے کہا...بتاریخ و بوقت1/08/2006 2:24 PM

kya baat hai great job. It looks great. And even without loading the Urdu reader and stuff I can see all the fonts clearly and readable.

Great Job well done. I think this template rocks. New and Kewl!

 
Anonymous ج جنجوعہنے کہا...بتاریخ و بوقت1/09/2006 11:34 PM

Thanks Vick! I like your template too. I wish I can master things like you guys do

 
Anonymous ج جنجوعہنے کہا...بتاریخ و بوقت1/09/2006 11:36 PM

عتیق و شعیب آپ کا شکریہ

 

Post a Comment

کچھ تعلقات اس حوالے سے:

Create a Link

صفحہ اول کو۔۔: Home <<